Naisc Úsáideach
Coimisiún um Chaidreamh Oibreachais
Tá sé mar phríomh fheidhm ag an gCoimisiún um Chaidreamh Oibreachais (CCO) feabhas i gcaidreamh tionsclaíoch a chothú. Má bhíonn fadhbanna ag duine sa réimse seo, is féidir iarraidh ar an gCoimisiún a chuid seirbhísí a chur ar fáil leis an gconspóid a réiteach.
An Chúirt Oibreachais
Fiosraíonn an Chúirt Oibreachais conspóidí tionsclaíocha i gcásanna faoi leith. Is féidir achomharc a chur faoina bráid freisin maidir le cinneadh a dhéanann Coimisinéir Cearta (féach thíos) nó cinneadh a dhéanann Oifigeach Cothromais (féach thíos)
Coimisinéirí Cearta
Seirbhís den CCO iad na Coimisinéirí Cearta ach tá siad neamhspléach ina gcuid oibre. Baineann formhór a gcuid oibre le gearáin daoine aonair. Is féidir achomharc ar chinneadh Choimisinéir Chearta a chur ós comhair na Cúirte Oibreachais, ní mór glacadh ansin le cinneadh na cúirte.
An Roinn Fiontair, Trádála agus Fostaíochta
Tá dualgas ar an Roinn cuid den reachtaíocht fostaíochta a chur i bhfeidhm, mar shampla An tAcht um Eagrú Am Oibre 1997, An tAcht um Chosaint Daoine Óga (Fostaíocht) 1996 agus an tAcht um Chosaint Fhostaíochta 1977. Ba cheart gearáin maidir le sárú na nAchtanna seo a chur faoi bhráid na Roinne.
Rialacha
Cuimnigh ar na pointí seo a leanas maidir le h-achomhairc fhostaíochta;
- sa chuid is mó cásanna is féidir le ceachtar den dá pháirtí achomharc ar an mbreith a chur ós comhair na hArdchúirte ach ar phointe dlí amháin;
- is féidir le ceachtar den dá pháirtí achomharc a lorg ós comhair na Cúirte Cuardaí taobh istigh de 6 sheachtain ón mbreith a bheith tugtha (níl an t-achomharc seo teoranta go pointe dlí).